~[ إرشادات ما قبل القراءة :
1- إفصل النت لو اتصالك ضعيف و باباك و ماماتك بيصرخوا عليك لو طولت لأني ثرثارة نوعاً ما
2- جيب اتنين بوب كورن واحد لي و واحد لك
3- معليش اتحملني شوي ممكن أزنخ عليك
4- إقرأ بعينك اليمين عشان تحل البركة
5- خلاص خلصت الإرشادات يلا نبدأ,,
تيك.. توك..
كانت هاي أصوات عقارب ساعة الدكتورة اللي ساعدت ماما انها تولدني
طبعاً بدكم تسألوا كيف إنسمعت هالأصوات و إنتي قاعدة بتصرخي أول ما اتولدتي 
؟؟
؟؟بس راح أجاوبك ببساطة هاي إسمها دراما يعني حاولوا تصدقوا
المهم..
كان هاليوم حاطين في الجرايد انه يوم 15-8 ( على علمكم هاي تلميحة عن الرغبة بهدية في هالتاريخ )
)بس ما قدرت أطلع من المستشفى غير بعد أسبوع كنت قاعدة بموت ..أختنق ... أعاني ...أنقذوني .. بس الله ستر و هيني حية وقاعدة بتبايخ عليكم .
.المهم بدي أسرع في شريط حياتي شوي( زهقت من حالها ) ..
) ..شخصيتي..
أنا عامةً هادية ، أحياناً تيجيني أوقات ثرثارة و أعلق كتير بس العام هادية
مسالمة مع شوية جبن ( جبن ضد الشجاعة مو اللي في ثلاجتكم )
)اي بصراحة فيني شوية جبن، كتير بحس بدي أشرد من الحصص ولا حتى أدق على أرقام غريبة و أتضايقهم
يعني باختصار بعيدة عن المشاكل و الشغب للأسف الشديد !!
!!عاطفية زيادة عن اللزوم
خاصة في الدراما =(
باختصار أي مخرج بدوا دعاية عن فيلمه المحزن يجيبني و أنا أبكي للمشاهدين من أول المشهد
و مو بعيدة لو أبكي من أسماء الممثلين اللي في البداية
امممم انا ممكن أضايق اللي بحبهم
لأني بحبهم
لأني بحبهم كتير بدي إياهم مرتاحين و سعيدين و كل شي ماشي تمام معهم
و هالشي بيتعارض احياناً مع شخصياتهم
و يوم يتعارض انا بسكت وما بطالب بتصحيح هالشي الغلط
بس من جواي بكون بتالم لأن حالهم مو ماشي أوكي و قاعدين بيعانوا قدامي
بكره نفسي وقتها
اممم بعتمد طريقة ريح الزبون في معاملاتي عامة
في معاملاتي عامةيعني اذا شي مو منيح بعديه باخدهم على قد عقلهم
خاصة في مسألة الكذب
لأن أغلب المراهقين اللي حولي كذابين (( على أساس انا العاقلة )) فبحكي دام هالكذب عشان يرضوا نقصهم ، أو حتى هيك جات بالغلط بعديها و على العكس بتفاعل مع الحكي كانه صدق ، لأن هالنوعية من الكذب ما بتأذيني و ما بتفيدني فخليه يكذب براحته دامه مرتاح هيك مع حاله
بس كذب المشاعر لا
أكره اللي يحكي مشاعره و يتصرف غيرها و بدون ما يحكي المبرر
بس بضلني أحط له أعذار ، خاصة لو أنا بعزه و له مكانة في قلبي
,,
ميولي و طموحي
انا دحيحة بس ما ألبس نظارات
هو في البداية تدحيحي كان عشان أهلي لأن كما سبق قلت إني مسالمة
بس هاي السنة نيتي أكبر
بتمنى أدرس برا في أي دولة بس مو أي أي دولة يعني مو بكرا ألقى بعثة على أثيوبيا مثلاً
بتمنى أدرس في أوروبا أو كوريا أو اليابان
خاصة أمنيتي اليابان 
هالسنة أنا انجنيت باليابان
يا رربي طفولة وبراءة و ذكاء و جمال و نظاف و رقة في التعامل شو هاد الشعب بيجننوا
خاصة لما يجوا ينحنوا لك لقدام بيجننوا بحس بدي أشد خدودهم
و لا لغتهم كلها الاحرف اللي بحبها كاف و ميم ونون و راء و سين و شين
يعني استحالة تلاقي ضاد ولا ظاء و لا غين متل عندنا
بتمنى أتعلم لغات كتيرة ، عشان أثرثر مع أي أحد
و يا سلام لو ألف العالم هيكون شي بيجنن
,,
ميولي في الأغاني متنوع كتير
يعني أسمع للكوري و الياباني و الفلبيني و الانجليزي و العربي و الخليجي
اي شي موسيقى أغنية أسمعها و أحبها لو حلوة
يعني ما عندي تعصب لنوع معين
بس إني أفضل الكوري و الياباني و الانجليزي عن الباقي
خاصة الياباني لأني بقلدهم لغتهم سهلة على نطقي المعاق
و أكيد طبعاً حدث ولا حرج عن صوتي الغبي
بس انا بسجل بس لاستمتع وانا أسجل بعض أغانيهم بضحك كتير و بضحك اللي يسمعها معي
,,
آآه تعب صابعي من الكتابة
و إنتم أكيد تعبتم من القراءة
بس إنتم غلطانيين حشوريين بدكم تقرأوا عني
أه صح ( باي ذا واي ) أنا عازبة
,,
see you
